كثير من الناس تحتار كيف تبدأ رياضة وبأي رياضة تبدأ! وتفكر هل ابدأ بالكارديو لين جسمي يتعود ولا اتمرن حديد على طول ولا ادخل كروسفت احسن. اسئلة كثير تجي عالبال ايش ابدأ اتمرن وايش اكل ؟ او الخوف من الاصابات اللي تمنع ناس كثيرة من ممارسة الرياضة.
اول شي لازم نعرف ان كل الرياضات تناسب جميع المستويات، فأي رياضة في بالك تبغا تمارسها وتظن انها بس للمحترفين فهذا غلط كبير، دائما رح تحصل بدائل وطرق مختلفة للتمارين الصعبة عشان تتطور.
كل رياضة فيها سلبيات وايجابيات، ممكن تاخذ الايجابيات من الرياضة الاساسية وتطور سلبياتها برياضة ثانية مو شرط انك تتمرن على رياضة وحدة!
والحين كيف ممكن تختار الرياضة المناسبة لك.
١- حدد هدفك.
هل هدفك خسارة وزن؟ هل هدفك بناء كتلة عضلية؟ او حتى اكتساب مهارات جسدية مختلفة او اكتساب لياقة عالية؟
٢- تبحث عن رياضة روتينية او ممتعة؟
فيه رياضات كثير تعتمد على الروتين في برامجها او تعتمد البرامج على حركات وتمارين محدودة، وفي بعض الرياضات التمارين والبرامج متنوعة ومختلفة وتتضمن على حركات اكثر من غيرها.
٣- هل الرياضة تعتمد على التدريب الجماعي او الفردي.
دائما التدريب الجماعي يشجع الشخص على ممارسة الرياضة اكثر من التدريب الفردي. وبعض الرياضات اللي تحتاج تركيز عالي تعتمد على التدريب الفردي.
٤- هل الرياضة تاخذ وقت طويل او لا.
بعض الاشخاص ما عندهم وقت طويل لممارسة الرياضة، وبعض الرياضات تاخذ وقت اكثر لممارستها فممكن ما تكون الخيار الانسب لك.
* افضل طريقة لاختيار الرياضة المناسبة لك هي تجربة رياضات مختلفة، نوادي وبرامج رياضية متنوعة الى ان تجد الرياضة المناسبة لك.
* لا تستعجل بالنتائج والتمارين، خليها خطوة بخطوة، ركز على هدف واحد في كل فترة، لا تضغط على نفسك المفروض الرياضة تكون شي ايجابي للصحة النفسية والجسدية!
